tortashop: 2007

星期三, 12月 26, 2007

狗之聖誕聯歡會

今日一早起身天氣超好!!!!!又去petworld啦 !! 今次係聖誕聯歡, 狗狗交換禮物,又玩左一天返到屋同lulu沖完涼後佢又死狗左啦 !!! 係啦...... 因為1月6號去唔倒toby o既生日會, 所以依家預早祝toby 生日快樂............

他約我去迪士尼

聖誕日同老公去迪士尼, 下午2點半出發玩到九點燒

完煙花先返, 因為聖誕節所以迪士

尼有好多花臣野, 又有高大聖誕樹又漂雪, 而且人唔太多所以覺得幾好玩, 但係都係果句.....太細啦 !!!

星期一, 12月 24, 2007

Petmax 之旅

星期日一班狗友相約到九龍灣petmax, lulu第一次同成班朋友坐車, 上到車一定同老死toby坐啦, 於是兩隻野就由上車玩到落車, 去到會場原來個嘉年華鬼死o甘細, 行左一陣就行完, 但係都有收獲, 之後再上去狗商場, 但係原來20公斤以上的狗要行過大圈先去到貨lift再上到商場, 不過野無o羊特別, 下次再o黎,諗一諗先 !!!!!

星期日, 12月 16, 2007

日本九州之旅~第一天

10月份左右同老公兩個到了九州玩了一星期, 依家先"的" 起心肝寫下遊記

第一天坐中華航空公司在台北轉機到福崗, 我已經好鬼驚搭機, 仲要搭兩次......

今次旅程的主題~ 租車自駕, 食河豚,浸溫泉

車係直接嚮toyota個網度租的, 租金差不多要300元一日,但自由度絕對不能同 JR相比, 因為實在太方便啦, 唔洗趕車趕火車, 鍾意幾時停又得, 不過因為第一天到達福崗太晚, 要第二天早上才取車,第一天到達放低行李就搵食, 福崗晚上有好特別的台屋, 好有氣氛, 我地兩個淨係識睇下人地食o羊然後手指指, 但係有一樣係自己叫就係 - 拉麵, 因為拉麵係由中國傳入的, 所以只要用國語說出 : 拉麵就可以叫到一碗好好味o既九州拉麵, 仲要求其一間都好好食架, 另外仲食左燒牛舌, 一樣超超超好味!!!!

聖誕薑餅及出貓狗餅

TOBY媽到訪之日一共做了三款狗餅, 包括聖誕薑餅, 亞麻籽餅及出貓狗餅, 因為比人投訴得多所以整了人的香蕉蛋糕, 點知比人話...... 個形就似以前 D 蛋糕, 但係一食就知無HEART......激死, 分別就係小氣, 於是星期六買齊材料整tiramisu....唔好再話無heart啦!!!!

順便一提,點解叫出貓狗餅, 因為用baby food 加一隻蛋一杯麵粉整, 超簡單而且仲味道多多選擇

公司聖誕大餐

星期六公司食聖誕午餐, 在九龍香格里拉CAFE KOOL, 有得食又有交換禮物, 食完再約了TOBY媽買材料做蛋糕, 再跟住同老公及姑姐, 東哥哥打邊爐, 之後再放狗, 返到屋企仲要整埋狗狗香蕉鬆餅.......你洗唔洗o甘忙呀 !!!!!

星期一, 12月 10, 2007

KISS KISS

星期六 toby媽帶埋 toby 到訪, 兩隻狗又玩到癲左, 今次仲玩埋 kiss 添 !!!

http://hk.video.yahoo.com/video/video.html?id=402943

麥理浩徑第10段

麥理浩徑第10段~已經是第四次行啦, 第一次行由海麗行到何福堂再上山, 之後再行到小欖跳蚤市場, 一共行左三個幾鐘, 之後隻腳足足痛左一個星期, 但係見到 lulu 係行得好開心o既, 到依家行到第4次隻腳開始習慣啦,今次仲有佢老死 toby 一齊行添, 更加醒神, 之後仲到左黃金海岸, 有棵大聖誕樹, 一於映下相先, lulu 又唔望鏡頭啦…

星期日, 12月 09, 2007

香蕉乳酪蛋糕

香蕉一隻

原味乳酪一杯

麵粉一杯

燕麥片4湯匙

蜜糖一湯匙

雞蛋一隻

都係非常簡單地拌勻,再放模入爐170度焗20分鐘即成,超簡單嗎 ?

皮膚病

lulu右手臂有一處無啦啦唔生毛,又無膿又無粒粒,只係唔生毛,狗友介紹過藥膏但效用不大,再睇翻d相,原來都唔無左好耐, 反正29號要做手術, 順便睇埋啦.......希望佢唔係頑廯啦,如果唔係就手尾長啦!!!

星期五, 12月 07, 2007

12月29日做手術

已經幫lulu約左醫生12月29日做手術啦, 所以可能連佢o既好朋友toby的生日會(1月6日)都不能出席了, lulu同toby好friend架, 星期六仲約左toby媽整狗野食, 死啦....... 原來自從lulu黎左之後, 好耐無做蛋糕比老公食啦, 唔怪得佢成日話連基本福利都無曬, 星期日行完山希望可以做個快趣香蕉蛋糕報數先。