搬屋了!

因為見YAHOO個BLOG好多分唇, 所以同lulu開左個BLOG. 呢度繼續寫下自己o既遊記同分享食譜, 得閒去探下 lulu 啦 !
http://hk.myblog.yahoo.com/lululand07

lulu的傷口

lulu做完手術之後到依家都差不多10日啦, 個傷口其實埋得唔錯, 但係唔知點解星期一開始發現個傷口有硬塊, 不過又無流血流膿, 而且衰女行得食得玩得瞓得屙得。
昨晚問過d狗友又唔見人地個傷口係o甘, 做亞媽擔心係正常o既, 於是打電話去診所問下, 得出o既答案都幾無所適從......
lulu媽 : 我想問下, 做完手術傷口有硬塊係唔係入面發炎呀 ?
護士 : 硬塊 ? 精唔精神 ? 有無出血或者流膿 ? 其他正唔正常 ?
lulu媽 : 精神, 無出血流膿 但係個傷口硬左 !!!!
護士 : 入面縫兩次架, 硬硬地正常呀 !發炎通常都會發燒架 , 其他正常咪即係無事囉 ,你唔放心帶落黎比醫生睇下啦 !!!

即係點呀.... 本應預計星期六短週同lulu去拆線, 依家洗唔洗提早呢 ? 如果到最後無野 lu 爸又會鬧我緊張過頭架啦 !!!
lulu 點算呀, lulu 你要頂住呀 !!! 你可唔可以頂到星期六呀 ! ( lulu : 媽, 唔好阻住我咬骨啦 !! )

可愛的爆牙

最近帶亞lu去打狗房咳, 先做一個簡單檢查先....

亞醫生話 : 唔 ! 大致正常, 咦 ???? 你睇下lulu D 牙, 前面有兩隻爆牙播 .

lu媽話: 唔係呀 !! 左右對稱架 , 上下又合到剛剛好, 正常呀 !!

亞醫生話 : 係, 係左右對稱, 不過係對稱地爆, 正常牙係平排架.

lu媽話 : 我仲以為佢要撕開 D 食物所以 D 牙要生到o甘添 ?

- 繼傻lu後又一巨獻.....傻lu媽 !!!! 哈哈 .... 懵婆 !!!!

亞醫生話 : 唔.......麻煩少少 !!!

lu媽即時標汗.........心想 : 唔係要 " cool " 牙馬 ??????

亞醫生話 : 因為牙齒唔齊, 記住要每日刷牙, 如果唔係好容易有牙石.

......哦 !!!!收到.

狗之聖誕聯歡會

今日一早起身天氣超好!!!!!又去petworld啦 !! 今次係聖誕聯歡, 狗狗交換禮物,又玩左一天返到屋同lulu沖完涼後佢又死狗左啦 !!! 係啦...... 因為1月6號去唔倒toby o既生日會, 所以依家預早祝toby 生日快樂............

Petmax 之旅

星期日一班狗友相約到九龍灣petmax, lulu第一次同成班朋友坐車, 上到車一定同老死toby坐啦, 於是兩隻野就由上車玩到落車, 去到會場原來個嘉年華鬼死o甘細, 行左一陣就行完, 但係都有收獲, 之後再上去狗商場, 但係原來20公斤以上的狗要行過大圈先去到貨lift再上到商場, 不過野無o羊特別, 下次再o黎,諗一諗先 !!!!!

KISS KISS

星期六 toby媽帶埋 toby 到訪, 兩隻狗又玩到癲左, 今次仲玩埋 kiss 添 !!!




http://hk.video.yahoo.com/video/video.html?id=402943

麥理浩徑第10段

麥理浩徑第10段~已經是第四次行啦, 第一次行由海麗行到何福堂再上山, 之後再行到小欖跳蚤市場, 一共行左三個幾鐘, 之後隻腳足足痛左一個星期, 但係見到 lulu 係行得好開心o既, 到依家行到第4次隻腳開始習慣啦,今次仲有佢老死 toby 一齊行添, 更加醒神, 之後仲到左黃金海岸, 有棵大聖誕樹, 一於映下相先, lulu 又唔望鏡頭啦…

皮膚病

lulu右手臂有一處無啦啦唔生毛,又無膿又無粒粒,只係唔生毛,狗友介紹過藥膏但效用不大,再睇翻d相,原來都唔無左好耐, 反正29號要做手術, 順便睇埋啦.......希望佢唔係頑廯啦,如果唔係就手尾長啦!!!

12月29日做手術

已經幫lulu約左醫生12月29日做手術啦, 所以可能連佢o既好朋友toby的生日會(1月6日)都不能出席了, lulu同toby好friend架, 星期六仲約左toby媽整狗野食, 死啦....... 原來自從lulu黎左之後, 好耐無做蛋糕比老公食啦, 唔怪得佢成日話連基本福利都無曬, 星期日行完山希望可以做個快趣香蕉蛋糕報數先。

大個女

在十月八日,lulu大個女了(起水),時間差不多要一個月,因為此時的lulu很有女人味,會吸引方圓百里的形男,為避免做外婆安全起見,穿翻條褲仔先.

秋季大旅行

昨天相約了放狗的朋友到麥理浩徑行山及BBQ, lulu玩到好開心呀 !!

下水禮

拉布拉多是一個天生的游泳好手, 所以帶lulu去游水, 果然落到水就捨不得上水了.

忘於解釋

帶lulu去街,最常聽到的問題是.....金毛呀 !!剪左毛??? 唯有連忙解釋....唔係 !係拉布拉多溝金毛。

唔怪之得係有小小唔同啦 !!!亦試過直接了當的說 : 係拉布拉多....但又有好多人會補一句 : 餓 ! 即係短毛金毛啦...... 其實金毛同拉布拉多係唔同架, 最慘係亞lu一樣一半, 點算呢...有辦法,下次有人問起亞lu係咩狗 .........拉布金毛 !!!!!!

放狗好地方

近日有狗友提供放狗好地方, 就是在釋慧文中學對開的一處地方, 最初兩天去到連狗蚤都無一隻, 到第三天終於遇到tobby的主人, 還帶我到那地方, 最初只有tobby同lulu兩隻狗,後來越來越多狗,差不多有20隻,原來因為我太早到,所以不見狗影。一連去了兩晚,原來星期六仲誇張,狗狗差不多有30隻呀!下星期六一定要同亞靜一起來。

掉牙記

lulu依家四個多月, 門牙已經換上了又大又圓的恆齒,呢兩日側邊兩隻牙亦都換了,有機會可以拾回兩隻乳齒,所以拍下照記念。

lu之搗蛋(二)

有一日,返到家中, 當然照往常一樣要拖地, 因為lulu又整到成地水啦 ! 拖好曬,諗住開雪柜飲汽水.....嘩 !!! 雪柜無" 著 " 到, 打電話同老公求救, 老公叫首先開返個總制再看一下d插蘇制啦 !!!

搵搵搵....... 搵到啦 ! 其中一個插蘇頭須然插住風扇, 但電線已經被 lulu 咬斷了, 好彩家中所有插蘇頭都有獨立開關的, 否則當天會發生命案呢 .......

lulu , 你下次會有咩新野比我呢 ????

lu之搗蛋(一)

lulu依家已經三個幾月大,同初初返黎果陣個樣唔同曬, 仲開始搗蛋, 每日早晚半小時的運動量可能唔夠啦, 睇怕同佢落街要再行遠d先得啦, 希望唔洗行到屯門碼頭啦..........講翻搗蛋,最最最難搞是玩水, 因為天生的本能,拉布拉多係好鍾意水同好熟水性,須然只有一半拉布血統, 但已經好好好鍾意玩水, 佢就日日玩到屋企成地水, 我就日日洗地, 連d柜腳都已經比水浸到開始發痗啦。到我返到屋企發現佢又玩水, 要打佢果陣就立即走到椅底,然後用一個 " 我知錯啦, 唔好打我啦 " 的眼神望住你,唔打你,好難啦 !!!!

第三枝預防針

lulu在6月30日打了第三枝預防針,報告一下體重 27磅, 但今天的磅數已升至31磅了,身長已有65cm,而且開始每天早晚一次落街,跑步會令骨骼長得好一點,沒有足夠的運動會腳仔軟的,而且可以令她在家中沒有那麼無聊,少一點破壞。

斷正 !!!!

話說今天是我的長週須要返工,於是如常起床梳洗如往常一樣, 當然 lulu亦如往常一樣, 我於7:45am離開後.....約過了20分鐘電話嚮起...... " 老婆 !!!! 你個女斷正啦 , 依家守行為呀 " ...

"咩事呀 !!! ".......案件重演 :

7:45 am 當女主人(我)出門口返工去也後大約安靜了5分鐘,然後聽到八條腿的跑步聲...啪..啪...啪...啪....啪....啪.....由屋頭跑到屋尾, 好嘈 !!嘈到可以將男主人嘈醒 , 但男主人不動聲色, 仍然躺在床上, 之後是一輪的飲水聲, 緊接著是一隻大手拍打水的聲音, 男主人馬上起身大喝一聲 ..... " no........ "

lulu : 幣......斷正,唔係返曬工架咩!!!!!

第二枝預防針

今日帶lulu打第二枝預防針,無鬼用, 落左狗帶開曬門都唔敢出門口, 係拉極都唔敢"沃"果隻,到最後要抱去診所。報告一下情況先.....體重16磅, 身長50cm(由頭中至patpat,不包條尾的長度)嘩.......下枝針你一定要自己行架啦!!!!!!