新春團拜

老公家族昨日在屯門新春團拜, 到底有多少人?數數吧 ! 自細家中親戚已經不多,只有叔叔一個在香港,所以初初我連輩份及稱呼亦搞不清楚。昨天氣氛當然很好,要多謝姑姐姑丈出錢出力搞個錢紙啤牌遊戲,而最後勝出是亞諾,開心的一晚還要多謝各位抽空出席。

焗雞

今天同LULU玩樂後回家馬上焗了一隻冰鮮雞, 奶奶已將雞用鹽及雞粉奄了一天, 我只須很簡單上再加上香草及胡椒粉在雞上, 再以225度焗40分鐘即成, 出來效果剛剛好.

08新春泰國之旅

今年新年的幾天泰國之旅, 去了自己十多年未有再去的芭提雅, 其實以往幾次到芭提雅都只是走馬看花, 現在看清楚點其實不錯...陽光海灘 !! 陽光呀, 有好久沒有好好的曬一曬了, 停留兩晚後再到曼谷,今次還有一個特別的地方便是乘坐CI的商務客位到泰國, 由CHECK IN 開始至提取行李都跟以往坐經濟的分別很大, 我終於知道商務位跟經濟位反映在價錢上的差異了, 總括而言再到泰國驚喜已經一次比一次的小了, 而且再加上匯率高了, 泰國在我心中價廉物美的形象已慢慢的褪色了, 有些貨品換回港幣後比香港還要貴, 但如果以放放假輕鬆一下的心態去泰國還是二三天假期的首選來的, 食物還是一樣的美味, 人還是一樣的友善,

另外發覺自己的飛機恐懼症好了一點, 是否商務位的分別呢?以後乘商務那麼問題便可慢慢解決了 ?呀 ! 頭很痛, 傳來老公大喊一聲 " 夢發夠未 !!!! " 手從我頭頂移走 " 打醒你先, 商務 !!!!! "

買左啦!

終於我鼓起勇氣買左人生第一部單鏡反光機, 無老公支持我係唔會買o既,但係一d都唔傻瓜, 睇怕有排我玩啦!!

搬屋了!

因為見YAHOO個BLOG好多分唇, 所以同lulu開左個BLOG. 呢度繼續寫下自己o既遊記同分享食譜, 得閒去探下 lulu 啦 !
http://hk.myblog.yahoo.com/lululand07

搬屋

近日經常去toby媽個blog, 發覺yahoo 個blog 版面巧令, 又多分唇, 心絲絲想搬屋,
但係有個唔好處, 好似要有yahoo 衣貓先可以留言, 如果係就麻煩 d,
一定要問清楚先。
仲有係想將lulu D 事分開另一個blog, 嘩 ! Lu爸實鬧我啦 …
另外又想買部單反, 又係為左 lulu, 想 d 相令 d, 不過呢個 Lu 爸有小小贊成,
因為佢都想試用單反。嘩 ! 就黎出雙糧啦 , 希望 Lu爸批准買啦 。

BODY CHECK

平生不做虧心事, 半夜敲門也不驚, 但係一見針筒就勁驚
身體的健康狀況開始響起警號, 血壓持續迂迴響高位,之前試過好多偏方希望可以減, 但是成效唔大, 始終要睇醫生食藥, 於是睇左一次醫生 仲要係兩公婆一齊睇,兩個人o既血壓都高,仲要係度數差不多一樣, 比醫生寸有夫妻相。
要開始食血壓藥… ok !!! 更仲要o既係醫生建議做一次全身檢查, 呀……要抽血, 好驚呀 !!!!
驚還驚, 命仔緊要 D
結果兩公婆真係 "的" 起心肝去做全身檢查, 一日未出報告就安慰自己, 有得食好食, 超亞 Q ,
到星期四終於都睇報告啦,
醫生逐個講, 老公結果出乎意料地正常, 仲有小小貧血, 但唔洗擔心, 唔洗特別注意, 情況就好似女人 唔方便日子o甘, 搞錯 !!!!
反而要注意o既係血壓,因為食左藥都係唔回落, 所以要加一粒藥,
醫生就話我食左藥之後血壓改善左, 但係膽固醇有小小超標, 暫時唔洗擔心, 不過要改一改飲食習慣……… 呀 !!!!!! 死啦, 無啖好食啦 !!!!

果仁曲奇

終於有時間做D人食o既野啦 ! 今日好勤力的做了兩款曲奇及一個新甜品...黑糯米榚, 依家先post果仁曲奇先.

材料 : 黃糖 120g / 牛油105g / 起酥油 20g / 雞蛋1隻/ 發粉2g / 麥片50g / 麵粉 115g / 杏仁粉20g / 杏仁碎90g

曲奇面 .... 杏仁碎及入爐朱古力粒適量

做法:1) 牛油放軟加起酥油,黃糖打至鬆身

2) 雞蛋先打勻再分三次加入牛油內

3) 麵粉 (過篩) / 發粉 /麥片 / 杏仁粉 / 杏仁碎加入牛油內攪勻成麵團

4) 將麵團搓成曲奇狀面加上杏仁碎及朱古力粒

5) 175g 焗 20分鐘

狗狗蘿蔔糕

距離農曆新年唔夠一個月, 為左應節做左狗狗蘿蔔糕, 其實上年已經做過一次, 今年打算送比D狗友所以試做一個睇下o羊反應先, 我D仔女就好鍾意o勒, 唔知反應好唔好呢, 依家剛剛蒸好, 好熱,

應該要聽日先可以帶落去, 講左o甘耐未講食譜添.

蘿白700g / 粘米粉250g / 粟粉100g / 水 1-1/2 至2杯

紅莓乾 及番茄乾脆

做法 : 蘿蔔刨絲, 連蘿蔔水加清水煮淋

粉類過篩後加至藺白內快手搞勻

加入紅莓乾及番茄乾

放入榚盤蒸40分鐘即成

lulu的傷口

lulu做完手術之後到依家都差不多10日啦, 個傷口其實埋得唔錯, 但係唔知點解星期一開始發現個傷口有硬塊, 不過又無流血流膿, 而且衰女行得食得玩得瞓得屙得。
昨晚問過d狗友又唔見人地個傷口係o甘, 做亞媽擔心係正常o既, 於是打電話去診所問下, 得出o既答案都幾無所適從......
lulu媽 : 我想問下, 做完手術傷口有硬塊係唔係入面發炎呀 ?
護士 : 硬塊 ? 精唔精神 ? 有無出血或者流膿 ? 其他正唔正常 ?
lulu媽 : 精神, 無出血流膿 但係個傷口硬左 !!!!
護士 : 入面縫兩次架, 硬硬地正常呀 !發炎通常都會發燒架 , 其他正常咪即係無事囉 ,你唔放心帶落黎比醫生睇下啦 !!!

即係點呀.... 本應預計星期六短週同lulu去拆線, 依家洗唔洗提早呢 ? 如果到最後無野 lu 爸又會鬧我緊張過頭架啦 !!!
lulu 點算呀, lulu 你要頂住呀 !!! 你可唔可以頂到星期六呀 ! ( lulu : 媽, 唔好阻住我咬骨啦 !! )

祝工作順利

我姊姊昨天已啟程往塞班島了, 想必現在已經到達公司了。

唏 ! FANNY 努力工作, 照顧自己, 不要生病,

不要我擔心, 有時間email 比我,

一年後再同你打邊爐 !!!

可愛的爆牙

最近帶亞lu去打狗房咳, 先做一個簡單檢查先....

亞醫生話 : 唔 ! 大致正常, 咦 ???? 你睇下lulu D 牙, 前面有兩隻爆牙播 .

lu媽話: 唔係呀 !! 左右對稱架 , 上下又合到剛剛好, 正常呀 !!

亞醫生話 : 係, 係左右對稱, 不過係對稱地爆, 正常牙係平排架.

lu媽話 : 我仲以為佢要撕開 D 食物所以 D 牙要生到o甘添 ?

- 繼傻lu後又一巨獻.....傻lu媽 !!!! 哈哈 .... 懵婆 !!!!

亞醫生話 : 唔.......麻煩少少 !!!

lu媽即時標汗.........心想 : 唔係要 " cool " 牙馬 ??????

亞醫生話 : 因為牙齒唔齊, 記住要每日刷牙, 如果唔係好容易有牙石.

......哦 !!!!收到.