叉燒包

我又增值了,今次是叉燒包,24號仲有一堂蝦餃。

斷正 !!!!

話說今天是我的長週須要返工,於是如常起床梳洗如往常一樣, 當然 lulu亦如往常一樣, 我於7:45am離開後.....約過了20分鐘電話嚮起...... " 老婆 !!!! 你個女斷正啦 , 依家守行為呀 " ...

"咩事呀 !!! ".......案件重演 :

7:45 am 當女主人(我)出門口返工去也後大約安靜了5分鐘,然後聽到八條腿的跑步聲...啪..啪...啪...啪....啪....啪.....由屋頭跑到屋尾, 好嘈 !!嘈到可以將男主人嘈醒 , 但男主人不動聲色, 仍然躺在床上, 之後是一輪的飲水聲, 緊接著是一隻大手拍打水的聲音, 男主人馬上起身大喝一聲 ..... " no........ "

lulu : 幣......斷正,唔係返曬工架咩!!!!!

第二枝預防針

今日帶lulu打第二枝預防針,無鬼用, 落左狗帶開曬門都唔敢出門口, 係拉極都唔敢"沃"果隻,到最後要抱去診所。報告一下情況先.....體重16磅, 身長50cm(由頭中至patpat,不包條尾的長度)嘩.......下枝針你一定要自己行架啦!!!!!!

請勿打擾

hey.....唔好影相......你邊本雜誌架????本小姐要訓覺啦........

澳門一天遊

已有好多年沒有到過澳門了,自從賭權開放後多了很多新賭場, 而且變化亦很大, 酒店很多很靚...但也非常多人, 不過想避開人群過寧靜的一天還是可以的, 澳門就是有一種渡假的感覺。

舊老細

今日同舊同事傾開計,講番以前個舊老細d野, 我點解會離開,因為打工仔最唔鍾意果樣.....拖人工, 有時10日有時差唔多一個月, 仲有佢做左好多老細唔應該做o既野, 有d 咩......多囉 !
例如唔準時出糧,但係可以講到自己比份工你做係大恩大惠, 大佬呀.......電視都有講啦, 糧係唔拖得加馬!!!! 佢仲可以講得出 : 我都唔會好似其他無良老細o甘拖足你地一個月數丫........老細....你講呢句果陣已經拖左二十幾日架啦.....想點呀!!!!!!
仲有d咩, 下次再講。

11 兄弟

帶走lulu的時候, 黃太(lulu嫲嫲)給了一個網址,希望可以以後聯絡的。近日在網上開始看到11兄弟姊妹的消息。須然未至於找齊11個, 但知道其他兄弟姊妹近況, 已知的有~多多 / windy / 毛毛 及我們的lulu, 其他兄弟姊妹......你們在那裡啊?

現在先看一下11兄弟未分開的照片吧 (照片由http://hknetgo.com 轉載 )

梅子苦瓜

小時候有看過黑白彊屍的會知道龍丙基是那一個, 另一個彊屍是周星馳。有一天看到巴士的roadshow節目,他現在教人煮菜, 這道梅子苦瓜便是當天他示範的,材料簡單易做......但問題來了,我不吃苦瓜的,所以不知道味道如何。

材料:苦瓜兩個切片, 話梅10粒, 乾玫瑰花10粒, 水, 黃糖小許

做法 : 1) 水滾後加入話梅,玫瑰花 至出味 2) 試味後加入黃糖至o岩口味 3) 待水涼後放入苦瓜

4) 放入雪柜2-3天至苦瓜入味即成

一家人

經過三個星期, 小狗們的相處如何,出奇地平日出名的霸王bebe,居然同lulu相處得不錯, 相反好脾氣的妹妹就不太喜歡lulu,每次lulu想同妹妹玩,妹妹都顯得不耐煩,有時仲出口鬧她。

lulu依家未到兩個月,體重已經有12磅了。每日都是睡覺為主......有時會出現奇怪睡態。

第一針

打完第一支預防針,完全沒有不適,真係一d都無, 經過兩星期,lu lu 已經由最初的6磅增加至10磅,快高長大得好緊要。

第一枝預防針

依家我6個幾禮拜大,聽日便打第一枝預防針,嘩 .....會唔會好痛架, 仲要打齊三針先可以出街街。

私家Teddy Bear

各位,我要介紹一下我的私家玩具.......Teddy Bear !!!!!

身成大披露

我知大家對我不是太了解,不如同大家公開我的身世吧!!!我出生在錦上路, 狗爸爸是一隻金毛尋回犬,身形非常大, 狗媽媽是一隻拉布拉多犬, 所以我可以說是個混血兒呢, 我還有11個兄弟, 不過可惜其中一個,出生時口黑面黑, 到最後都............!!!!

依家我每日要食四餐, 不過大部份時間是睡覺, 遲d啦....我就要成日玩架啦 !!!

不如約大家5月12日的家庭母親節聯歡會見啦 !!!

詳細資料找我爸爸啦。

新成員~ LU LU CHAN

HI, 各位...我叫 LU LU CHAN 中文名陳露露, 今日差不多七點鐘, 等左差不多個多月,終於見到爸爸媽媽啦.....嘩! 兩個都o甘有份量,我大個左會唔會好似佢地o甘架 !!!!!!

仲有一樣野要話比你地知,我個媽媽係同一日生日架,都係3月23日,依家我1個月零5日大,因為未夠6個星期未打預防針, 所以抵抗力比較差, 要再多2個月打齊針先可以出街,我都唔想病病架。

各位哥哥姐姐, 如果你地o甘心急要探我可以同爸爸媽媽聯絡,或者佢地會比你上我屋企探我。

見唔倒我個真狗,就比d玉照你地止下咳先啦!!!!

新開始-命名篇

差不多兩個多月沒有寫網誌, 因何.....當然有新玩意啦 !!!!! NDS.....迷了兩個多月後有另一新意.......家中將多一個新成員......登 !登 !
金毛女一個, 樣子怎樣, 先賣一賣關子, 因為我也未看到真身......但將於今天晚上回來....到時一定馬上拍下艷照一幅, 公佈天下.
但現在的首要任務.......命名
有何好名呢?????

趕收工(二)

仲有狗狗蘿蔔糕, 香蕉蛋糕, 馬碲糕及楊枝甘露布甸

趕收工(一)

一次過出左幾款食品, 好倦呀!!!!

有焗芝士蛋糕及林明頓蛋糕

歲晚收爐

還有不到一星期便過年了, 因為今天一如以往會外遊,所以要趕緊時間把家務做好..........星期六一早洗廚房,包括洗抽油煙機及爐頭,廚櫃。
唉......一個錯誤的決定, 我依家好後悔呀!!!!!!!!!
我的爐頭前端是由親戚度身定做的不鏽鋼牆面, 正正因為自己貪新鮮,放棄一直用開的萬x靈,改用贈送的奇偉廚房清潔x,
無錯抽油煙機的油污很容易除去,但原來會蝕花不鏽鋼面......死啦!!!! 成幅牆好似流眼淚.....點算呀!!!!!再看一下....呀!!我的爐頭玻璃面好似開花一樣....不過是黑玻璃開白色花,好肉酸呀........
有無辦法解決.....有!!!將牆面反底做面.....得左~~~~ 須然有小小花但總好過流眼淚, 但爐面玻璃便無辦法了.....
老公回來會不會發覺呢????? 過左幾日都無發現..........這個便是我老公!!!!

小貼士

自己試過做焗芝士蛋糕的時候, 因為在盤底要放水,但自己又不知道當中的小貼士, 所以第一次的時候水入到蛋糕內, 整個蛋糕浪費了, 之後得知原來要把整個蛋糕模用錫紙包好才不會入水.........以後記住這個小貼士啦!!!!!!!

日本蝦@泰式汁

日本蝦跟泰國來個crossover , 大大隻的牡丹蝦伴著莞荽及生蒜,最後點上刺激非常的泰式酸辣汁........牡丹蝦的甜味被泰式汁提昇至另一個境界........
還有炸蝦頭的甘香為這個晚餐劃出完美句號。
泰式汁做法~~~
魚露 50ml / 青檸汁1個 / 指天椒5隻 / 蒜泥2湯匙 / 莞荽莖1湯匙 / 糖 1湯匙.....但也可 全因應個人口味加多減少,不過完成後要又咸又酸又辣.....